Vieiros

Seguimos assomando-nos ao precipício. No Estado de Reino Unido Mac Donald's, empresa multinacional sobradamente conhecida, concederá títulos de ensino meio.

A notícia percorre o mundo graças à difussom por parte do organismo "Autoridade de Qualificaçons e Currículos" (QCA nas suas siglas em inglês).

Trata-se do reconhecimento de títulos com carácter oficial aos e às empregadas da empresa, em virtude do sistema de formaçom interna que, segundo a QCA, situa Mac Donald's à altura dumha Universidade meia do país europeu. Toda umha declaraçom sobre o estado do ensino superior.

A concessom começou a dar efeitos desde Janeiro de 2008, o que permitirá que @s assalariad@s que trabalhem para a hamburguesaria obtenham títulos de "gestom de trabalho em equipa", compatibilizando horas de trabalho com horas de estudo de mercadotécnia, finanças ou recursos humanos, entre outras.

Outras grandes empresas como Flybe ou Network Rail tenhem assumidas similares competências, que alguns meios como La Voz de Galicia dêrom em chamar literalmente "Un nuevo mercado educacional que asegura un sueldo. Toda una idea."

Excelente, si... Lembremos que no Reino Unido os labores de inspecçom educativa estám encomendados a umha empresa privada. Estám, enfim, privatizados. Como vemos agora, umhas depois as outras; nem só áreas anexas e complementares do sistema educativo dos países da UE se estám a vender; também a própria habilitaçom oficial para ensinar.

Lamentável notícia. Seguiremos atent@s a novidades sobre o processo de privatizaçom do ensino em Europa.

CONTRA O CAPITALISMO, SEM TRÉGUA!

O ENSINO É UM DIREITO, NOM UM NEGÓCIO!!