Vieiros

O pleno do Tribunal Constitucional aprobou logo de tres anos e medio de deliberacións a sentenza sobre o Estatuto de Cataluña por seis votos a catro, que avala a maioría dos artigos impugnados polo PP a cinco meses das eleccións catalás, segundo informa a axencia EFE.

Na súa sentenza, o TC non declara inconstitucional a definición de Cataluña como "nación" que figura no preámbulo do Estatut, ao considerar que o preámbulo en ningún caso é xuridicamente vinculante. No entanto, remarca a "indisolúbel unidade de España como nación", apelando á Constitución española, segundo informa Europa Press.

Segundo fontes do tribunal citadas por diversos medios, o texto declara inconstitucional perto de 14 artigos, interpreta ao redor doutros 24 e avala o resto dos 245 artigos e disposicións cos que conta o texto catalán.


Máis información

• Vilaweb: El TC consuma la retallada final de l'estatut

• La Vanguardia: El TC recorta parte del Estatut de Catalunya 

• El Mundo: El TC avala la mayor parte del Estatut

• Público: El TC avala buena parte del Estatut