Vieiros

Alberto Núñez Feijoo valorou positivamente o auto do Tribunal Superior de Xustiza de Galiza (TSXG) e afirmou que o Goberno acatará a suspensión do decreto eólico. O presidente da Xunta felicitouse pola resolución xudicial e subliñou que o executivo xa se adiantara a esta decisión o pasado mes de agosto, porque "os informes da Asesoría Xurídica eran coincidentes cos fundamentos do auto".

Así, entende que esta decisión "confirma que o decreto do bipartito incorre en vicios de legalidade infranqueábeis" e destaca que permitirá "clarificar, tranquilizar e impulsar" o Goberno actual para "abordar un novo concurso con seguridade xurídica e que dote de viabilidade económico a esta oportunidade administrativa que ten Galiza".