Vieiros

Galego21.org, a plataforma polo galego na informática, vén de presentar novos programas na nosa lingua. Á parte do navegador Xis 4.03, agora pódese descargar o Mozilla, a versión galega do que será o vindeiro Netscape (o futuro Xis 6). Outra das novidades é o LeechFtp 2.3, un excelente cliente de FTP co que poderás subir e baixar arquivos ao teu servidor. Para os que lle guste a música, Galego21 pon á súa disposición o WinAmp 2.64, o máis famoso reproductor en formato MP3, con 'interface' personalizada e en galego. Pero iso non é todo: está tamén dispoñible o WebCopier, o mellor navegador Off Line de balde que hai no mercado; o NetVampire 3.3, para descargar arquivos dende calquera servidor; o Easy CD-DA Extractor 4.2.0, que converte pistas de audio CD en ficheiros de son; e o Windows Commander 4.51, que mellora a xestión de arquivos, directorios e unidades. E prometen máis...