Vieiros

17 militares do exército español morreron a unha da tarde ao caer o seu helicóptero en Xindad, ao leste de Afganistán. As causas da caída aínda non están determinadas, e o ministro de Defensa, José Bono, cre que puido ben tratarse dun accidente como dun ataque exterior. Un suposto responsábel talibán, identificado coma o mulá Dadulá,
reivindicou a acción, se ben recoñeceu non ter probas que o confirmasen. Porén, fontes da OTAN en Cabul e Bruxelas negaron a existencia polo de agora de trazas de que o helicóptero fose atacado. Dez destes militares eran galegos e procedían da base de Figueirido, en Pontevedra, que se repatriarán, identificados "con certeza" no prazo dunha semana. A Xunta decretou tres días de loito oficial.
• Dez soldados galegos falecidos
• A Xunta decreta tres días de loito oficial.
• O BNG pide a retirada das tropas españolas de Afganistán.